Parroquia: Vilacoba (Santo Tomé)
Lugar: Camposanto parroquial
VILACOBA
Cronoloxía: Século XX
Cruceiro de tipo “De Crucifixo” con plataforma cuadrangular de dous chanzos e pedestal cúbico con chafrán. O varal é cuadrangular achafranado que soporta un capitel cuadrangular, troncopiramidal invertido con imaxes de caras en relevo nas súas caras. A súa cruz é cuadrangular cos brazos con lixeiro chafrán, remates florenzados con botón central. No anverso da cruz presenta a Cristo Crucificado con catro cravos e as mans pechadas. Inclina a cabeza cara á dereita cunha coroa de espiñas. O seu pano de pureza vai anoado á dereita. Polo reverso da cruz fica a Virxe en actitude de orar coas mans xuntas sobre o peito. O cruceiro é todo de granito cun moi bo estado de conservación.